Пәтер алған тұрғындар кімге пара берген?
Түркістан қаласында пара беріп, пәтер алған тұрғындардан баспананы босату талап етілді. Бұл туралы қала әкімдігі жария етті.
Алматы, NEGE. Қала әкімдігінің мәліметінше, пара беру дерегі 2017 жылдың желтоқасан айында орын алған. Қаланың үш тұрғыны Отырар мөлтек ауданында жаңадан бой көтерген үйлерден пәтер алу үшін өз кезегін ілгерілету үшін үй инспекциясы қызметкеріне пара берген.
Алайда кейіннен бұл қылмыс ішкере болып, пара алған қызметкердің үстінен қылмыстық іс қозғалған.
Оның іс-әрекеті бойынша ҚР ҚК 190-бабының 3-бөлігінің 1-тармағымен сотқа дейінгі тергеу амалдары жүргізіліп, бүгінде пара берген тұрғындарға да шара қолданылып отыр.
«Заңсыз іс-әрекет арқылы жылжымайтын мүлікке қол жеткізген азаматтарға апта басында сот орындаушылары барып, пәтерді босату жөнінде міндеттеме алды. Тұрғындар бекітілген 10 күн аралығында пәтерді босатпаған жағдайда қосымша шара қолданылып, жауапқа тартылатыны жөнінде тілхат табысталған» делінген әкімдіктің хабарламасында.