Парламенттің қазіргі шақырылымы таратылмайды

Алматы, NEGE. Бұл туралы ҚР Әділет вице-министрі Алма Мұқанова орталық коммуникациялар қызметінде өткен брифингіде айтты.

«ҚР Парламент палаталарын құрудың жаңа тәртібін айқындайтын нормалар сегізінші шақырылымның Мәжіліс депуттаттарын сайлаудан бастап қолданылады», - деді министрдің орынбасары.

Сондай-ақ, ол жетінші шақырылым депутттары әзірге таратылмайтынын түсіндірді.

«БАҚ өкілдері қазір бізге «Конституциялық реформалардан кейін жетінші шақырылым таратыла ма ?» деген сияқты сұрақтар қойып жатыр. Қазір жетінші шақырылым жұмыс істеп жатыр. Олар 2026 жылдың бірінші жартыжылдығының аяғына дейін өз қызметін жалғастырады. Қазір жетінші шақырылымды тарату туралы мәселе қойылып отырған жоқ», - деді Алма Мұқанова.