Парламент мәжілісінің депутаты Митталдың меншігіндегі кен орындарын қайтарып алуды сұрады

Алматы, NEGE. «Қазақстан металлургиясының флагманы аталған «Қарметкомбинатты» Митталдың меншігінен кері қайтарып алу мәселесі осыдан бірер ай бұрын – кезекті адамдар өліміне әкелген апаттан кейін қозғалған еді. Міне, Қазақстан Республикасы Парламентінің Мәжілісінде біраз депутат көтерген осы талапқа Үкімет атүсті қарап, «АМТ»-ны кімге береміз деп, ырғалып-жырғалып жүргенде кезекті апат болды!», – деп жазды ол.

Сондай-ақ депутат қаза тапқандардың саны 40-қа жетуі мүмкін екенін меңзеді.

«Әлихан Смайылов мырза, техника қауіпсіздігін қаперсіз қалдырып, Қарағанды кеншілерінің баудай қырылуына жол берген, жеке есебіне түсер миллиардтар қуып кеткен Митталдан «Карметті» қайтарып алуға не кедергі? Сіз әлі күнге дейін «ескі Қазақстан» жаққа елеңдеуді қойып, Қазақстан халқына қарай қашан бас бұрасыз?

«Аманат» партиясының Парламенттегі фракциясы (Елнұр Бейсенбаев мырза), сайлауда жеңіп шыққан партия ретінде 8-шақырылымның алғашқы сессиясында «аманаттықтар» ұсынған премьер-министрден «Карметтің»  меншік иесін жедел өзгерту процессін бастауды талап етуді сұраймын!», – деді Ермұрат Бапи.  

Айта кетейік, 28 қазанда Қарағанды облысында  Арселор Митталдың меншігіне қарасты Костенко атындағы көмір шахтасындағы өрттен 11 адам қаза болды. Бұл туралы облыс әкімі Ермағанбет Бөлекбаев Фейсбук парақшасында хабарлады.