Париж-2024: Жабылу салтанатын JIBEK JOLY арнасы тікелей эфирден көрсетеді
Қазақстандықтар Париж Олимпиадасының жабылу салтанатын Jibek Joly арнасынан тікелей эфирде көре алады.
Алматы, NEGE. Іс-шараның бағдарламасын ұйымдастырушылар әзірге құпия ұстап отыр.
2024 жылғы Жазғы олимпиада ойындарының жабылу салтанаты тамыздың 11-інен 12-сіне қараған түні, Астана уақытымен сағат 00.00-де басталады. Ал Jibek Joly арнасы әзірлеген тікелей эфир сағат 22.30-да басталады. Тікелей көрсетілімнің жүргізушілері — Дидар Қадыров пен Лилиана Әлжанова.
Ал Париж төрінен арна тілшісі Күнсая Құрмет пен комментатор Рауан Оқас қосылады.
Телеарна студиясына Сидней Олимпиадасының күміс жүлдегері Ислам Байрамуков, Париж олимпиадасының қатысушысы, дзюдошы Әбиба Әбужақынова, Атлант Олимпиадасының чемпионы, грек-рим күресінен ұлттық құраманың бас бапкері Юрий Мельниченко шақырылып отыр.
Олимпиаданың жабылу салтанаты Париждің 80 мың адамға арналған Stade de France стадионында өтеді.
Еске салсақ, 26 шілдеде басталған Париж Олимпиадасының алғашқы жарыс күнінде Қазақстанның медаль қоржынына бір алтын медаль түскен болатын. Одан кейінгі күндерде дзюдошы спорттың 25 түрінен сынға түскен өзге 79 спортшыларымызды ешбірі Елдос Сметовтің жетістігін қайталай алған жоқ.
11 тамыздың таңында көрсеткіштер бойынша Қазақстан Ұлттық құрамасы 1 алтын, 3 күміс, 3 қола медальмен жалпы медальдер кестесінде 41-орында тұр.
