Пара алды деген күдікпен ұсталған полиция қызметкері қашып кетпек болды

Астана, NEGE. Кадрда ҰҚК қызметкерлерінің тұтқындап жатқан сәті көрсетілген. Олар қызметкердің қалталарын тексеріп жатқанда, тәртіп сақшысы қашып кетуге әрекет жасаған. Құқық қорғаушы Айгүл Орынбектің айтуынша, пара 200 000 теңге көлемінде болған. 

Түркістан облысы полиция департаменті күдіктінің уақытша ұстау изоляторына қамалғанын мәлімдеді.

Түркістан облысы Полиция департаментінің Өзіндік қауіпсіздік басқармасы ҰҚКД-мен бірлесіп, құқыққа қайшы әрекеттер жасады деген күдікпен аудандық полиция бөлімінің қызметкерін ұстады.  Аталған факт бойынша болған оқиғаның барлық мән-жайларын анықтауға бағытталған сотқа дейінгі тергеу амалдары жүргізілуде, - деп хабарлады Түркістан облысы ПД баспасөз қызметі.

Сондай-ақ полиция департаменті қызметкер теріс себептермен ішкі істер органдарынан шығарылғанын және басқа да жауапты лауазымды тұлғаларға қатысты қызметтік тексеру жүргізіліп жатқанын айтты.