Пандемияның аяқталатын күні аталды
Коронавирус індетінің аяқталу мерзімі бар екен. Әйтеуір қытай ғалымдары, атап айтқанда, инженерлік ғылымдар академиясының академигі, елдің жетекші эпидемиологтарының бірі Чжун Наньшань солай дейді.
Алматы, NEGE. Вирусологтың болжамынша, COVID-19 биыл қыс мезгілі мен 2021 жылдың көктемінде жойылмайды. Десе де, қарқыны қайтып, жұқтырудың екінші толқыны масштабты түрде болмайды.
"Эпидемия қыста, көктемде жойылмайды. Биыл қыста, келесі жылдың көктемде жұқтыру жалғасуы мүмкін. Бірақ мен әлемдегі бірінші толқын секілді екінші толқын ауқымды болады деп ойламаймын", - деді Чжун Наньшань. Демек, келесі жазға қарай ахуал түзеледі деген сөз.
Оның ойынша, арқаны кеңге салуға әлі ерте, қажет уақытта инфекцияның жергілікті өршуінің таралуына жол бермеу үшін әуе рейстерін қысқарту, оқу орындарында сабақтарды тоқтату сияқты қысқа мерзімді қатаң шаралар қабылдау қажет.
