Пандемия басталғалы 6 миллион адам жұмыссыз қалды

.

Алматы, NEGE.  Бұл туралы Еуропаның жұмыспен қамту және әлеуметтік құқық жөніндегі комиссары Николас Шмиттің мәлімдеген. Оның айтуынша, әсіресе жастар нәпақасыз қалған. 

«ЕО-дағы жұмыссыздық деңгейі 2021 жылдың қаңтарында 7,3%-ға жетті. Өткен жылы 6,6% болған еді.Дағдарыстан әсіресе жастар қатты зардап шекті. Қазіргі уақытта ЕО-да 3 миллионға жуық жас маман жұмыс істемейді. Біздің парызымыз – бұл мәселені ушықтырмау», – деді ол.

Осы орайда Еурокомиссия «жастарды жұмыспен қамту» деп аталатын бағдарламаны іске қосты. Енді жұмыссыз қалған немесе оқу орнын бітірген 30-ға толмаған жастарға жұмысқа орналастыру немесе тағылымдамадан өткізу туралы ұсыныс жасалады.

2020 жылдың көктемінде одақ экономикасы жойқын дағдарысқа ұшырады, өйткені қатаң әлеуметтік-экономикалық шектеулер енгізілген болатын. Күзде індеттің екінші толқыны басталады деген ақпарат тарағаннан кейін, бірқатар ел карантин талаптарын күшейтіп тастады.