Өзгенің ЭЦҚ кілтін заңсыз пайдаланғандарға айыппұл салынады
Жаңа нормалар 2025 жылғы 13 наурыздан бастап күшіне енді.
Алматы, NEGE. Қазақстанда электрондық цифрлық қолтаңбаны (ЭЦҚ) пайдалану ережелері күшейтілді.
Қабылданған шаралар азаматтардың жеке деректерін қорғауды күшейтуге, электронды цифрлық қолтаңбаны пайдалану қауіпсіздігін қамтамасыз етуге және ЭЦҚ-ға байланысты алаяқтық әрекеттерді азайтуға, сондай-ақ ақпараттандыру саласындағы бұзушылықтар үшін жауапкершілікті арттыруға бағытталған.
Айыппұл мөлшері:
Жеке тұлғаларға – 50 АЕК (196 600 теңге)
Шағын кәсіпкерлік субъектілеріне – 100 АЕК (393 200 теңге)
Орта кәсіпкерлік субъектілеріне – 150 АЕК (589 800 теңге)
Бұрын жауапкершілік тек ЭЦҚ кілтін үшінші тұлғаларға заңсыз беру және оны қорғау шараларын сақтамаған жағдайда ғана қарастырылса, енді жаңа талаптар бойынша ЭЦҚ-ны рұқсатсыз пайдаланған адамдар да жауапқа тартылады.
