Өзбекстандық Олимпиада чемпионы Баходир Жалолов сыйға берілген су жаңа көлігін жол полициясының көлігіне соғып алды
Өзбекстандық Олимпиада чемпионы Баходир Жалолов тұрақтан шықпақ болған кезде алдында тұрған жол полициясының көлігіне соғылған.
Алматы, NEGE. Желіде Баходир Жалоловтың су жаңа көлігін жол полициясының көлігіне соғып алған видеосы тарады.
Ақпаратқа сәйкес, оқиға Ташкентте түнде Парижден Өзбекстанға келген спортшыларды қарсы алу және марапаттау рәсімі кезінде болған.
Өзбекстан президенті бокстан Олимпиада чемпионы Бахадир Жалоловқа және басқа да чемпиондарға 200 мың доллар, екі қабатты коттедж және Tahoe көлігін сыйға тартты.
Спортшы жаңа көлігін адамдар қоршап тұрған тұрақтан айдап шықпақ болған. Алайда ол басқаруға ие бола алмай, жол полициясы қызметкерінің көлігіне соғылған.