Дүние
Өзбекстанда жұмыссыздарға берілетін жәрдемақы екі есе өсті
Өзбекстанда жұмыссыздарға төленетін жәрдемақы екі есеге өсті, деп хабарлайды Өзбек телеграф агенттігі.
Алматы, NEGE. «2020 жылы жәрдемақы екі есеге көбейіп, айына 632 мың сум (шамамен 70 АҚШ доллары) болады», - деді Өзбекстанның жұмыспен қамту және еңбек қатынастары министрінің бірінші орынбасары Эркин Мухитдинов.
Соңғы деректерге сүйенсек, Өзбекстанда экономикалық тұрғыдан белсенді емес азаматтардың саны 205 мың адам болса, жұмыссыздық 9-дан 8 пайызға төмендеген. Ал жұмыссыздардың саны 1,3 млн адамға жетсе, 50 мың азаматқа жұмыссыздық жөніндегі жәрдемақы төленеді.
Жұмыссыздық бойынша жоғары көрсеткіш Қашқадария және Сурхандария облысында, төменгі көрсеткіш Ташкент қаласында тіркелген.