Өзбекстанда 12 жастан асқан балаларға вакцина салынады
Өзбекстанда 12 жастан асқан балаларға коронавирусқа қарсы вакцина салуға рұқсат берілді.
Алматы, NEGE. Жасөпірімдер ата-анасының немесе қамқоршысының келісімімен «Файзер» компаниясының екпесін қабылдай алады. Көрші елдің Денсаулық сақтау министрлігі шешім шығармас бұрын аталған вакцинаның 12-15 жас аралығындағы балалар арасында сынақтан өткенін хабарлады. Бұл зерттеу препараттың қауіпсіз әрі тиімді екенін көрсеткен. Өзбекстанға АҚШ-тан «Файзер» екпесінің 1 миллионнан астам дозасы жеткізілген.
