Дүние
Өзбекстан президенті Uzbekistan Airways-ты шетелдік компанияның басқаруына бермек
Өзбекстан президенті Шавкат Мирзияев “Uzbekistan Airways” ұлттық компаниясын шетелдіктердің басқаруына беріп, еліне жаңа әуе тасымалдаушы тарту мәселесін қараған. Бұл жайында мемлекет басшысының баспасөз қызметі хабарлайды.
Алматы, NEGE. Өзбекстанның көлік компаниялары коронавирус пандемиясы кезінде 340 млрд сум (33,5 млн доллар) зиян шеккен. Бұл көрсеткіш эпидемиологиялық жағдай тұрақталғанша тағы өсуі мүмкін.
"Осыған байланысты кәсіпорындарға экономикалық қолдау көрсету үшін оларға біршама жеңілдік беріліп отыр. Мысалы“Uzbekistan Airways” және “Uzbekistan Airports” компанияларының 122 млн доллар несиесін төлеу кейінге шегерілді және 60 млрд сумға салық жеңілдігі берілді. Дағдарысқа қарсы қордан 50 млрд доллар көлемінде үстемақысыз несие берілді", - делінген баспасөз мәліметінде.
Сонымен бірге бұл салада бәсекені арттыру үшін шетелден инвесторлар тарту талқыланған.
Мұнан бөлек Әндіжан, Бұқара, Ургенч және Карш әуежайларын мемлекеттен жекеменшікке беру үшін тендер жарияланбақ.