Өзбекстан бетпердесіз жүргендерге айыппұл сала бастады
Өзбекстанда бүгіннен, яғни 25 наурыздан бастап көшеде бетпердесіз жүргендерге қомақты айыпұл салынады. Ортақ талапты орындамағандар осындай жаза қолданылатыны жұртшылыққа 23 наурыз күні ескертілген.
Алматы, NEGE. Бұл туралы Koronavirus Info сайтына сілтеме жасап CentralAsia (UZ) хабарлады.
Ереже бұзған адам 223 мың сум (23 АҚШ доллары) төлеуге міндетті. Егер заң бұзушылық екінші мәрте қайталанса, 669 мың сум (70 АҚШ доллары) айыппұл арқалайды. 23 доллар дегеніңіз – Өзбекстандағы ең төменгі жалақы мөлшерімен тең қаражат.
Құқық бұзғандарды Ұлттық ұлан сарбаздары мен патрульдік қызмет өкілдері қадағалайды. 23-24 наурыз күндері Өзбекстанмен қоса, Қарақалпақстан тұрғындарына да тек ескерту жасалып келген. Бүгіннен бастап, ереже бұзғандар айыппұл төлейді. Бір айта кетерлігі, Өзбекстан жұртшылығына медициналық бетперделер тегін таратылған.
Қазір оқып жатыр
Әл-Фараби даңғылындағы жол апаты: тергеу аяқталды
Алматы облысында терроризм туралы жалған хабарламалар тартқан екі оқушы ұсталды
Көкшетауда жалғызбасты ана жол апатынан қаза тапты: күдіктінің жүргізуші куәлігі болмаған
Шымкентте екі колледжде 1,3 млрд теңге жымқыру ісі: күдіктінің Дубайдағы пәтері бұғатталды
