«Өз шартыммен келдім...» – Головкиннің жұмыс істеуіне мүмкіндік бере ме?
Ұлттық олимпиада комитетінің басшысы болып сайланған атақты боксшы Геннадий Головкин келісім берерден бұрын шарт қойғанын айтты. Ескі жүйе оған жұмыс істеуге мүмкіндік бере ме?
Алматы, NEGE. «Жаңа салада еліміздің мүддесіне қызмет ету мен үшін үлкен мәртебе. Маған ҰОК басқару туралы ұсыныс түскенде Қазақстан спортын дамытуға үлес қосуыма мүмкіндік бересіздер деген шартпен келісім бердім. Өздеріңіз білетіндей, мен саясаткер де, шенеунік те емеспін. Мен өз әрекетімді сөзбен емес, іспен дәлелдеуге дағдыландым.
Менің өз көзқарасым, көпжылдық халықаралық тәжірибем, командам бар, ең бастысы – мақсатыма жетуді өз елімде іске асыруға мүмкіндік туып тұр», – деді Г.Головкин.
Естеріңізге сала кетейік, ҰОК-ның басшылық құрамы өзгермегеніне қатысты сарапшылар түрлі болжам айтқан. Тіпті «Ұлттық олипиада комитетін уысынан шығармау үшін Тимур Құлыбаев Г.Головкинді басшылыққа әкелді» деген де сөзді құлағымыз шалған еді.