Отбасы банк зейнетақы жинақтарын емделуге пайдалану ережелерін өзгертті
2025 жылғы 27 сәуірден бастап Қазақстанда біржолғы зейнетақы төлемдерін емге пайдалану бойынша жаңартылған ережелер күшіне енеді.
Алматы, NEGE. Ең басты жаңашылдық — енді қаражатты кәмелетке толмаған балалардың еміне де бағыттауға болады.
Өзгерістер стоматологиялық қызметтерге де қатысты болмақ.
Қандай құжаттар талап етіледі?
Жай ғана дәрігердің қорытындысы емес, дәрігерлік-консультациялық комиссияның шешімі;
Бекітілген нысан бойынша клиникамен жасалған шарт;
Хирургиялық және ортопедиялық кезеңдерге бөлінген нақты емдеу жоспары және олардың сомасы көрсетілуі;
Әр кезеңге — жеке рентген түсірілімі мен дәрігерлік-консультациялық комиссияның қорытындысы, оларды enpf-otbasy.kz сайты арқылы тапсыру қажет;
Төлем әр кезең алдында бөлек жүргізіледі.
Имплантациясыз протездеу де осы тәртіп бойынша — екі кезеңмен және дәрігерлік-консультациялық комиссияның қорытындысы мен рентген түсірілімдерін қоса отырып төленеді.
Банк өкілдерінің айтуынша, бұл өзгерістер зейнетақы қаражатын пайдалану ашықтығы мен қауіпсіздігін арттыру мақсатында енгізілген.