Отбасы банк ипотека рәсімдеу комиссиясын 1 млн теңгеге дейін көтереді
2026 жылғы 31 қазаннан бастап Отбасы банкте алдын ала және аралық заемдарды беруді ұйымдастырғаны үшін комиссияның шекті мөлшері 1 млн теңгеге дейін өседі. Жаңа талаптар негізінен ірі сомада несие алатын клиенттерге қатысты болмақ.
Астана, NEGE. Банк ақпаратынша, комиссия мөлшерінің өзі өзгермейді және бұрынғысынша заем сомасының 1%-ына тең болады. Алайда банк несие көлеміне қарай комиссияның шекті мөлшерін өзгертеді.
31 қазаннан бастап мынандай шекті мәндер қолданылады:
- Егер заем 50 млн теңгеге дейінгі сомаға берілсе, онда комиссия заем сомасының 1%-ына тең болады, бірақ 300 мың теңгеден аспайды.
- Егер заем 50 млн теңгеден 100 млн теңгеге дейінгі сомаға берілсе, онда комиссия заем сомасының 1%-ына тең болады, бірақ 500 мың теңгеден аспайды.
- Егер заем 100 млн теңгеден жоғары сомаға берілсе, онда комиссия заем сомасының 1%-ына тең болады, бірақ шекті сомасы 1 млн теңгеден аспайды.
Банктің мәліметінше, клиенттердің 92%-ы 50 млн теңгеге дейінгі сомада несие рәсімдейді. Сондықтан олардың басым бөлігі үшін комиссияның ең жоғары мөлшері өзгермейді.