Отандық мұнайшылар НЕГЕ ерледі?
Өткен жылдың қортындысы бойынша отандық мұнай компаниялары бюджетке 4,5 триллион теңге төлеген.
Олардың ішінде «Теңізшевройл» көш бастап келеді деп жазады KazService. ТШО бюджетке салық және де басқа да алымдар есебінен 1,9 триллон теңге аударған. Бұл тіпті барлық түсімдердің 43 пайызын құрайды.
Қазір елде 80-нен астам компанияның мұнай өндіретінін ескерсек, салықтың орташа көлемі мұнай тоннасына 48 628 теңге көрсеткен.
Мұнай тоннасы мен оған төленген салық көлемін салыстыра отырып, өндірілген бір тонна мұнай үшін ең көп салық төлеген компаниялар ішінен Ембімұнайгаздың бірінші орында тұрғанын байқаймыз. Олар әр тоннаға бюджетке 67 203 теңге аударып отырған. Ал 65 110 теңгемен «Теңізшевройл» екінші сатыда келеді.
ТШО, КПО мен НКОК сынды үш компанияның мұнайды ел ішінде төмен бағамен сатылу міндетінен құтылғандығын ескерсек, халықаралық компанияларға қарағанда отандық мұнайшылар халыққа анағұрлым көбірек пайда тигізіп отыр деуге болады.
