Өскеменде жедел жәрдем қызметкерлері сәуірде қосымша ақы алмаған
Өскемендегі жедел жәрдем станциясының қызметкерлері сәуір айындағы жалақысына қосымша ақы алмаған. Облыстық денсаулық сақтау басқармасы жанынан құрылған арнайы аудиттық комиссия жұмысшылардың еңбек уақытын есептеп, тағы 24 миллион теңге төлеу жөнінде шешім қабылдады.
Алматы, NEGE. Бұл қаржы медицина мамандарына 10 күн ішінде беріледі. Комиссия бір айда әр бригада қанша шақыруға барғанын және қанша сағат жұмыс істегенін тексерген. Сөйтіп, сәуір айында 156 дәрігер мен 105 фельдшер және көлік жүргіушілеріне қосымша ақы төленбегені дәлелденді. Манарбек Мұхамеджанов, облыстық денсаулық сақтау басқармасының басшысы: - Біздің комиссия жұмысының нәтижесі бойынша 24,4 миллион теңге біздің әріптестер алады. Оның ішінде жүргізушілер, дәрігерлер және фельдшерлер бар. Осы үстемақыны біздің әріптестер мамыр айының үстемақысымен қоса қоса алады.
