Өскеменде жаяу жүргіншілер көпірі опырылып, бірнеше адам зардап шекті
Әкімдік мәліметінше, 7 мамырда болған оқыс жағдай кезінде көпір үстінде сегіз адам, оның ішінде төрт кәмелетке толмаған жасөспірім болған.
Астана, NEGE. Оқиға орнына жеткен төтенше жағдайлар қызметі мен жедел жәрдем бригадасы зардап шеккендерге көмек көрсетті.
«Ауыр жарақаттар тіркелген жоқ, тек жеңіл сырылу мен көгеру анықталды. Қазіргі уақытта зардап шеккендердің барлығына қажетті медициналық көмек көрсетіліп жатыр. Жағдай Шығыс Қазақстан облыстық денсаулық сақтау басқармасының бақылауында», – делінген хабарламада.
Әкімдік өкілдерінің мәлімдеуінше, оқиғаға балалардың көпірді тербетіп ойнағаны себеп болған. Кәмелетке толмағандар конструкцияны шайқағандарын мойындады, соның салдарынан көпір төсеміне зақым келген.
Қазіргі уақытта көпір жабық.
Қазір оқып жатыр
Астанада талапкерлерді оқуға түсіруге уәде еткен оқытушы 3,5 жылға сотталды
Аудит арзан емес. «PSA» НЕГЕ жыл сайын шығынға батады?
«Рөлде мас күйдегі құқық қорғау органы қызметкері болған»: Алматы облысында жол апатынан үш адам қаза тапты
Ресейде Қазақстан үшін маңызды газ өңдеу зауытына дронмен шабуыл жасалды
