Өскеменде порнографиялық материал әзірлеп, таратқан 14 адам сотталды
Өскемен қаласының қылмыстық істер жөніндегі мамандандырылған ауданаралық сотында порнографиялық материалдарды дайындау және тарату фактісі бойынша ұйымдасқан қылмыстық топтың 14 мүшесіне үкім оқылды.
Астана, NEGE. ШҚО прокуратурасының хабарлауынша, топ мүшелері 2018 жылдан 2024 жылға дейінгі аралықта елдің бірнеше аймағында заңсыз әрекет етіп, тұрақты кіріс алып отырған.
Мемлекеттік айыптаушы сотқа сотталушылардың айыпталған қылмысқа қатысы бар екендігі туралы бұлтартпас дәлелдер ұсынды.
«Сот ұйымдасқан қылмыстық топтың 14 мүшесінің кінәсі толық дәлелденді деп танып, оларды әртүрлі мерзімге бас бостандығынан айыру түріндегі жаза тағайындады», – делінген прокуратура хабарламасында.
Үкім заңды күшіне енген жоқ.