ОСК мәжіліс сайлауына Respublica партиясының тізімін тіркеді
Орталық сайлау комиссиясының отырысында Respublica партиясынан пропорционалдық жүйе бойынша парламент мәжілісі сайлауына қатысатын кандидаттардың тізімі тіркелді.
Алматы, NEGE. ОСК төрағасы Нұрлан Әбдіров 8 ақпанда Respublica партиясы қоғамдық бірлестігінің құжаттары Орталық сайлау комиссиясына тапсырылғанын атап өтті.
"Бұл ретте ОСК-ға екі азаматтан оларды осы партияның партиялық тізімінен шығару туралы ресми өтініштер түсті. Мұндай жағдайларда ОСК тиісті шешім қабылдайды", - деді ОСК төрағасы Нұрлан Әбдіров
ОСК мүшесі Шавкат Өтемісов Respublica партиясы ОСК-ға тіркелуге қажет барлық құжатты тапсырғанын айтты. Ол сонымен қатар саяси партиялар арасында бөлінген депутаттық мандаттардың белгіленген санынан 30%-дан аспайтын адамдар санын қамтитын саяси партияның бір ғана тізімі тіркелетінін еске салды. Партиялық тізімде үш санаттағы өкілдердің жалпы саны – әйелдер, жастар және мүгедектігі барлар бәрінің санынан 30%-дан кем болмауға тиіс.
Respublica партиясы 25 адамнан тұратын партиялық тізімді ұсынды. Бұл ретте ОСК-ға Дархан Иманашев пен Олжас Сұлтановтан партиялық тізімнен шығару туралы ресми өтініштер түсті.
"Осылайша Respublica партиясының тізімінде 23 адам бар. Бұл тізімге 8 әйел, жастар мен мүгедектігі бар жандар кіреді, бұл тізімге енгізілген жалпы санының 34,8%-ына тең. Қажет квота сақталды. Партиялық тізімге енген тұлғалар Конституцияның және «Қазақстан Республикасындағы сайлау туралы» Конституциялық заңның талаптарын сақтауға міндетті", - деді ОСК мүшесі Шавкат Өтемісов.