Дүние
Орыс әскері жаппай «қызтеке» бола ма?
Ресейдің Ішкі істер министрлігі, Қорғаныс министрлігі, ФСБ мен Росгвардиясы соңғы үш жылда еркектік қуатты жоғалтатын 117 мың қорап «Кагоцел» вирусқа қарсы дәрісін сатып алған. Бұл жөнінде мемлекеттік сатып алу қызметінің сайтын тұрақты қадағалаған Daily Storm басылымы назар аудартып отыр.
Алматы, NEGE. «Кагоцел» дәрісінің құрамында ер адамды өмір бойы белсіздікке ұшырататын госсипол сополимерлік қосындысы бар. Ер адамның қуатын күштеп басатын аса әсерлі дәрілік зат ретінде госсиполды медициналық тәжірибе жасағанда анықталған.
Басылымның айтуынша, аталмыш дәріні ең көп мөлшерде сатып алған мекеме Росгвардия екен. Ол 2017-2019 жылдар аралығында 13 млн сомды құрайтын 56 мың қорап «Кагоцел» сатып алған. Ішкі істер министрлігі 38,2 мың қорап, Қорғаныс министрлігі 20,4 мың, ФСБ 2,3 мың қорап аталмыш дәріні сатып алған.