Оралдағы түнгі клубтардың бірінде ер адамды пышақтап кеткен күдіктілер ұсталды
Ұйымдасқан қылмыспен күрес басқармасының қызметкерлері бұрын сотталған Батыс Қазақстан облысының екі тұрғынын ұстады.
Алматы, NEGE. Оларға қаңтар айының басында түнгі клубтардың бірінде болған оқиғаға қатысы бар деген күдік тағылуда.
Алдын ала мәлімет бойынша, жергілікті криминалдық топтың өкілдері қатысқан төбелес кезінде, қатысушылардың бірі жиналмалы пышақ қолданып, қарсыласына дене жарақатын салған.
Арнайы бөлініс қызметкерлерінің көмегімен күдіктілерді жеке тінту және тұрғылықты жерінде санкцияланған тексеру жұмыстары жүргізілді. Нәтижесінде бірнеше суық қару тәркіленді.
Аталған оқиға бойынша қылмыстық іс қозғалды.
Тергеу жұмыстары жалғасып жатыр.
