Оралда перзентхана қызметкері лифтіге қысылып қайтыс болды
Оралда 50 жастағы перзентхана қызметкері лифтіге қысылып қайтыс болды. Бұл туралы Мой город басылымы жазды.
Алматы, NEGE. Батыс Қазақстан облысы Төтенше жағдайлар департаментінің мәліметінше, қайғылы оқиға 31 желтоқсан күні таңертеңгі уақытта болған. Облыстық перинаталдық орталықта 1971 жылы туған қызметкердің қайтыс болғаны хабарланды. Ол жүк лифті мен шахтаның арасына қысылып өлді. Мәйітті құтқарушылар алып шықты, деп жазады басылым.
Облыстық полиция департаментінің баспасөз қызметі оқиға туралы сағат 8:56-да хабарлағанын мәлімдеді.
"Алдын ала мәлімет бойынша, жүк лифтінің шахтасына әйел адам құлап кеткен. Ол сол жерде жан тапсырған. Ол медициналық мекемеде вахташы болып жұмыс істеген. Бұл факті бойынша тергеу басталды", - деді полиция.
Оқиға бойынша басқа мәліметтер анықталуда.