Оралда полицей қызметтік міндетін атқару кезінде қыз зорлады деген күдікке ілінді
Күдікті уақытша ұстау изоляторына қамалды.
Астана, NEGE. Бұл жөнінде «Мой город» басылымы хабарлады.
«Әлеуметтік желілерде Абай полиция бөлімінің 25 жастағы қызметкері қызметтік міндетін атқару кезінде қыз зорлады деген ақпарат тарады. Көршілер айғай-шуға байланысты шағым түсірген соң күдікті пәтерді тексеруге барған. Сол жерде ол жәбірленушіні зорлаған», – деп жазады басылым.
Аталған дерек бойынша қылмыстық іс қозғалып, тергеу жүргізіліп жатыр. Күдікті ішкі істер органдарындағы қызметінен шығарылды.