Оралда еріген қар суы жолды басып қалды

Алматы, NEGE. Оқиға орнына жергілікті төтенше жағдайлар департаментінің бөлімшесі жөнелтілді.

Тұрғындардың мәлім еткеніндей, 13 наурызға қараған түні қалаға қарасты Деркөл кентінде су «Сарыарқа» шағынауданына қарай баратын жаңадан салынған жолды басып қалған.

БҚО ТЖ департаменті баспасөз қызметінің нақтылауынша, «Сарыарқа» шағынауданында қалаішілік автожолдың ойпатты бөлігіне су жиналған. Соның салдарынан екі шағынауданды байланыстыратын жолға еріген қар суы жайылды.

Түні бойы мотопомпалар көмегімен су айдауды жүргізілді. Сондай-ақ полиция қызметкерлері мен жергілікті атқарушы органдардың өкілдері жұмылдырылды.

Жағдай бақылауда.