«Оппозиция бір ай уақытты ішкі дау-дамаймен өткізді»
Мемлекеттік кеңесші Ерлан Қарин Президент сайлауына дайындалу үшін барлық кандидаттарға, оппозиция өкілдеріне жеткілікті уақыт берілді деп санайды. Бұл туралы ол Нартай Аралбайұлына берген сұхбатында айтты.
Астана, NEGE. – Президент сайлаудың өтетінін 1 қыркүйек күні жария етті. Егер бұрынғы дәстүрге сәйкес кезектен тыс Президент сайлауын өткізу туралы Жарлыққа сол күні немесе ертесі қол қойғанда, онда сайлау 30 қазан күні өтуі тиіс еді. Бірақ Мемлекет басшысы Жарлыққа 21 қыркүйек күні қол қойды. Сондықтан сайлау 20 қараша күні өткелі отыр.
Президент сайлаудың өтетінін алдын ала айту арқылы оның уақытын бір айға ұзартты. Заң бойынша сайлау екі айдың ішінде өтетін болса, қазіргі уақыты үш айға жуықтап отыр. Демек барлық кандидаттарға, оппозиция өкілдеріне дайындыққа нормадан тыс жеткілікті уақыт берілді. Бірақ оппозиция бір ай уақытты ішкі дау-дамаймен өткізді, – деді Ерлан Қарин.
