«Оператор РОП» ЖШС-нің ұсталған басшысының әйелі мәлімдеме жасады
Утиль алымдарын жинаумен айналысқан "Оператор РОП" ЖШС басқарма төрағасы Медет Құрманғалиев пен экология вице-министрі Ахметжан Пірімқұлов тұтқындалды. Бұл туралы Жемқорлыққа қарсы іс қимыл қызметіндегілер хабарлады. Осыған орай, Медет Құрманғалиевтің әйелі және қоғамдық қорғаушысы Әсем Құмарғалиева әлеуметтік желіде мәлімдеме жасады.
Алматы, NEGE. "Мен "Оператор РОП" ЖШС бұрынғы басқарма төрағасы Құрманғалиев Медеттің әйелі және қоғамдық қорғаушысымын. Бүгін елдегі барлық бұқаралық ақпарат құралдарында менің күйеуімнің ұсталғаны және шетелге қашып кетпек болғаны туралы ақпарат тарады. Мен бұл мәліметті жоққа шығарамын. Күйеуім елде болды және ешқайда қашуға талпынған жоқ. Медет Құрманғалиев Қазақстанда туып-өскен және басқа жаққа қоныс аударуды мүлдем ойламаған. Ол осы елдің шынайы патриоты және көпбалалы әке және өз өмірінің 20 жылын ел экологиясын дамытуға жұмсаған адам. Мен қоғамдық қорғаушы ретінде әділдік орнатуға барымды саламын", – дейді Әсем Құрманғалиева.