ОПЕК+ наурызда өндірісті қысқарту жоспарын 113%-ға орындады
Иран санкцияларға қарамастан бір тәуліктегі мұнай көлемін 2,3 млн баррельге дейін арттырды. ОПЕК+ елдері 2021 жылғы наурыз айында бір тәулікте 39,79 млн баррель мұнай өндірді, деп хабарлайды Inbusiness.kz.
Нұр-Сұлтан, NEGE. Бұл көрсеткіш ақпандағыдан 0,27 млн баррельге көп. Наурызда өндірісті қысқарту жоспары 113% -ға орындалды. Ақпан айында 112%-ға іске асқан еді. ОПЕК елдері бір күнде өндірілетін мұнай көлемін 21,02 млн баррельге дейін, ОПЕК-ке кірмейтін елдер 14,7 млн баррельге дейін қысқартты. ОПЕК-тегі төртінші ірі мұнай өндіруші саналатын Иран санкцияларға қарамастан өткен айда бір тәуліктегі мұнай көлемін 2,3 млн баррельге дейін арттырды. Бұл – соңғы екі жылдағы рекордтық көрсеткіш. АҚШ 2018 жылдың күзінде Иранға қарсы мұнай санкцияларын енгізіп, 2019 жылдың көктемінде шектеуді күшейткен еді. Санкцияларға дейін Иран тәулігіне 4 миллион баррель өндірген болатын.
