Оңтүстікте жұмыс уақытында құмар ойын ойнаған шенеуніктер қызметінен қуылды
Түркістан облысы Сарыағаш ауданында мемлекеттік органдардың төрт қызметкері прокуратура тексерісінен кейін жұмыстан шығарылды.
Астана, NEGE. Прокурорлардың хабарлауынша, тексеру кезінде мемлекеттік органдар қызметкерлерінің жұмыс уақытында құмар ойындарға қатысу фактілері анықталған.
«Бұл әрекеттер мемлекеттік қызмет қағидаттарына, қызметтік әдеп талаптарына қайшы келеді және мемлекеттік органдардың беделіне нұқсан келтіреді», – делінген хабарламада.
Анықталған заң бұзушылықтар бойынша прокурорлық қадағалау актісі енгізіліп, оны қарау нәтижесінде қызметкерлер атқарып отырған лауазымдарынан босатылған.