Оңтүстікте өрт кезінде оқ-дәрі жарылды
Әлеуметтік желіде әскери бөлімдердің біріне қарасты оқ-дәрілерді жою полигонында снаряд қалдығы жарылғаны туралы ақпарат тарап, оқиға орнынан түсірілген бейнежазбалар жарияланды.
Астана, NEGE. Қорғаныс министрлігі Шымкент гарнизонының хабарлауынша, 19 тамыз сағат 19:00 шамасында Арыс гарнизонындағы әскери бөлімдердің бірінің техникалық аумағында құрғақ шөп тұтанған.
«Өрт кезінде жоюға алдын ала дайындалған оқ-дәрі қалдығының жарылыс дауысы естілген. Зардап шеккендер мен қираған нысандар жоқ», – делінген ресми хабарламада.
Ведомство өкілдері өрт толықтай сөндірілгенін, жағдай бақылауға алынғанын атап өтті. Қазіргі уақытта оқиға орнында тиісті қызметтер жұмыс істеп жатыр.