Оңтүстік Кореядағы қазақ диаспорасы Наурыз мерекеcінде бас қосты
Оңтүстік Кореядағы қазақ диаспорасы Наурыз мейрамын атап өтті, деп хабарлады 24 kz.
Алматы, NEGE. Биыл мейрам қасиетті Рамазан айымен тұспа-тұс келгендіктен жерлестеріміз концерттік іс-шара ұйымдастырмай ауызашарға дастарқан жайды. Елдің оңтүстігінде тұратын отандастар дәстүр бойынша Пусанға жақын Ёнсан елді мекеніндегі "Шырайлы Шымкент" атты кафеге жиналды.
Биыл мейрам қасиетті Рамазан айымен тұспа-тұс келгендіктен жерлестеріміз концерттік іс-шара ұйымдастырмай ауызашарға дастарқан жайды. Жиналғандарды Ұлыстың ұлы күнімен Қазақстанның Пусандағы бас консулы Аслан Асқар құттықтады.
"Керемет кеш болып жатыр. Өзіміздің қазақ бауырларымыз Наурыз мерекесіне жиналды. Бәрін көріп, танысып жатырмыз. Дастарқан мол жайылған. Наурыз құтты болсын!", - дейді Оңтүстік Кореядағы қазақ диаспорасының өкілі Айымгүл Мусина.
Қазақ диаспорасының тағы бір өкілі Талғар Сабыржан көбісі Оңтүстік Кореяға жұмыс істеу үшін келгенін айтады.
"Біз жұмыс киімін шешіп, демалғымыз келеді. Қазақ болғаннан кейін көпшілік ортаны жақсы көреміз. Наурыз болсын, басқа мейрам болсын, қазақтар осылай жиналып тұрғаны дұрыс деп ойлаймын", - дейді ол.
