Оңтүстік Корея президенті ресми түрде қызметінен босатылды
Оңтүстік Корея Конституциялық соты Юн Сок Ёльге қатысты импичментті растады. Осылайша, ол президент қызметінен ресми түрде шеттетілді.
Алматы, NEGE. Бұған 2024 жылдың желтоқсанында елде әскери жағдайды қысқа мерзімге енгізуі себеп болды.
Сот Юн Сок Ёльді билікті асыра пайдаланды деп танып, оның әрекеттерін заңсыз деп бағалады. Атап айтқанда, ол парламентке күш қолдану арқылы қысым көрсетуге тырысқан.
Сот шешімі күшіне бірден енді. Енді Оңтүстік Кореяда 60 күн ішінде кезектен тыс президент сайлауы өтуі тиіс.
Алдын ала болжам бойынша, сайлау 2025 жылғы 3 маусымда өтеді.
