Оңтүстік Кореяда ұсталған отандастарымыз бостандыққа шығады
Оңтүстік Кореяда әуежайдан қашып кеткен екі қазақстандық жігіт бостандыққа шығады. Бұл туралы "Кореядағы Қазақ Қауымы" Instagram-дағы парақшасында хабарлады.
Алматы, NEGE. Естеріңізде болса, 25 наурыз күні екі отандасымыз Инчхон әуежайындағы биіктігі 3.6 мет қоршаудан асып, қашып кеткен болатын. Кейін олардың бірі Тэджона қаласында ұсталды. Екіншісі 3 күннен кейін өз еркімен полицияға келген еді.
Екеуі де өз істерін мойындап, туған жерінде отбасын асырау үшін жұмысқа ұшып келгендерін айтқан. Оңтүстік Корея полициясы оларды шекараны заңсыз кесіп өтіп, қашып кетті деп айыптады. Екеуі де өз кінәсін толық мойындап, 3 ай қамауда болды.
Отандастарымыз жақын уақытта елге қайтарылады.