Дүние
Оңтүстік Кореяда түнгі клубтар ашылғаннан кейін COVID-19 қайта өршіп жатыр
Оңтүстік Кореяда коронавирус жұқтырғандардың саны қайта көбейіп жатыр. Мұнда сәуірден бері науқас тіркелмеген болатын, ал соңғы тәулікте бірден 40 жағдай тіркелген, - деп хабарлайды РИА Новости.
Алматы, NEGE. Басылымның мәліметінше, Оңтүстік Кореяда сәуірден бері коронавирус жұқтырғандардың саны күніне шамамен 40 адамнан 10-20 адамға дейін азайған. Тіпті 2 адам ғана жұқтырған жағдайлар болған.
Сондай-ақ, 40 жаңа жағдайдың 37-сінің Итхэвон ауданында түнгі клубтар мен барлардың ашылуынан кейін тіркелгені айтылады. Үш науқас шетелден келген.
Осылайша, Сеулдегі Итхэвон ауданында ашылған түнгі клубтардың салдарынан науқастардың саны 257-ге жеткен.
Соңғы мәліметтер бойынша, әлем бойынша коронавирус жұқтырғандардың саны 5,5 миллионнан асты, 2,28 миллион адам айығып, 350 мыңнан аса науқас қайтыс болған.