Оңтүстік Кореяда бір тәулікте 142 адам коронавирус жұқтырды

Алматы, NEGE. Жалпы елде вирусты 346 адам жұқтырған. Олардың көпшілігі Чхонда оңтүстік-шығыс ауруханасы мен оңтүстік-шығыстағы Тэгу шағын қаласында тіркелген.  Билік барынша қауіпсіздік шараларын нығайта түсті. Кореяның ауруларды бақылау және алдын алу орталықтары 142 жаңа оқиғаның 92-і Чхондодағы Daenam емханасымен байланысты екенін хабарлады. Осы емханада жаңа вирустан Оңтүстік Кореядағы алғашқы адам қаза тапқан. Жұма күні Daenam ауруханасында COVID-19-дан екінші науқас қайтыс болды. Қазіргі күні ауруханада 108 вирус жұқтыру оқиғасы тіркелген. Қоғамдық денсаулық сақтау агенттігінің хабарлауынша, 38 науқастың Сеулден оңтүстік-шығысқа қарай 300 км жердегі Тэгу қаласы мен көршілес Солтүстік Кенсан провинциясында орналасқан Синчхонджи деген атпен танымал христиандық сектаға қатысы бар екені белгілі болды. Билік өкілдері 2,5 миллион тұрғыны бар Тэгу қаласының халқына үйде болып, аса қажеттілік болмаса ешқайда шықпауға кеңес берді.