Өңірлерде Мектептегі тамақтанудың жаңа стандартына сәйкес төрт апталық мәзірлер бекітілді

Алматы, NEGE. ҚР ДСМ Санитариялық-эпидемиологиялық бақылау комитеті төрағасының орынбасары Нұрқан Сәдуақасов атап өткендей, стандартты қолдану үшін көп нұсқалы үлгілік мәзірлер әзірленді; алғаш рет ыстық тағам әзірлеуге жағдайы жоқ шағын жинақталған мектептер үшін арнайы мәзір жасалды, онда жасына қарай қажеттіліктер, калориялылығы, маусымдылығы ескерілді.

«Қазіргі уақытта барлық өңірлерде жаңа стандартқа сәйкес төрт апталық мәзірлер бекітілді. Оқу жылы барысында оның енгізілуіне мониторинг жүргізіледі, соның ішінде «жеуге жарамсыздық индексі» де бағалау жасалады. Бұл индекс жоғарылаған жағдайда тағамды балаларға барынша қолайлы, бірақ құнарлылығы ұқсас тағамға ауыстыруға рұқсат етіледі», – деді спикер ОКҚ алаңында өткен дөңгелек үстел барысында.