Онлайн парад: «Өлмейтін полк» акциясы биыл қалай өтеді?
ТАСС агенттігінің хабарлауынша, «Өлмейтін полк» акциясы биыл онлайн режимінде өтеді. Бұл қандай шеру сонда?
Алматы, NEGE. «Россотрудничества» деген ұйымның Алматыдағы өкілдігі былай деп хабарлады: «Ұлы Отан соғысы әр отбасыға әсер етіп, жазылмайтын жара қалдырды. Әр отбасының өз тарихы, мақтан ететін, ұмытпайтын батыры бар. Алматыдағы Орыс үйі «Өлмейтін полк» онлайн-шеруін өткізеді».
Ол үшін шеруге қатысқысы келгендер 6 мамырға дейін Орыс үйінің электронды поштасына өз қаһарманы туралы дерек жіберу керек екен.
Бұған дейін Қорғаныс министрлігінің баспасөз қызметі 7 мамырда Отан қорғау күніне және 9 мамыр Жеңіс күніне қатысты әскери парад өтпейтінін хабарлаған. Бұған себеп – қаржы тапшылығы мен кезек күттірмейтін басқа мәселені шешу қажеттігі. Дегенмен де президент Қ.Тоқаев 5 мамыр күні жалпы әскери кеңес өткізеді. Ал 9 мамырда Астанада Соғыс құрбандарын еске алады.
Еңбек және халықты әлеуметтік қорғау министрлігінің дерегінше, Қазақстанда екінші дүниеж.зілік соғысқа қатысқан 237 ардагер бар. 9 мамыр қарсаңында әр ардагерге 1,5 млн теңгеден өтемақы төленеді.
