Онлайн халық санағына 32 мыңнан астам адам қатысты

Алматы, NEGE. Науқан бірінші қыркүйекте басталды. Енді қазан айының 15-не дейін жалғасады. Бұған жауапты мамандар онлайн санақ аяқталған соң, дәстүрлі форматқа көшеді. Яғни, үй-үйді аралайды. «Sanaq.gov.kz» электронды жүйесіндегі сауалнамада 50-ге тарта сұрақ бар. Олардың ішінде туған жері, отбасылық жағдайы, мекенжай, тұрып жатқан баспананың аумағы сынды деректер сұралады.

Жалпы сауалнама халықаралық тәжірибеге сай әзірленген. Биыл Қазақстаннан бөлек, әлемнің 61 мемлекетінде халық санағы өтеді. Солардың басым бөлігі шараны онлайн түрде жүргізеді.

«Ұлттық Халық Санағы-2021» шарасының ресми өкілі Олжас Сайлаубекұлы: «Санақ парақтары кешен ғана әзірленген жоқ. Оның ішінде барлық мәлімет енгізілген. Кез келген адам сонымен танысуға мүмкіндігі болды. Мұның бәрі мүдделі меморгандармен келісілді. Санақты халықаралық адамдар да ұсыныс енгізеді», – деді.