Өнеркәсіп министрлігі ERG-дің екіге бөлінетіні туралы сыбысқа пікір білдірді
Таяуда Bloomberg агенттігі Eurasian Resources Group (ERG) иелері компанияны екіге – қазақстандық және халықаралық бизнеске бөлуді қарастырып жатқаны туралы ақпарат жариялаған еді.
Астана, NEGE. Бүгін, 21 шілдеде өткен брифингте өнеркәсіп және құрылыс министрі Ерсайын Нағаспаев БАҚ өкілдерінің осы ақпаратқа қатысты сұрағына жауап беріп, компания тарапынан активтерді бөлу немесе меншік иелерін ауыстыру жөнінде ресми өтініш түспегенін мәлімдеді.
«Әзірге ешқандай ресми хат келген жоқ. Бұқаралық ақпарат құралдарында жарияланып жатқан ақпаратқа келсек, егер акционерлер өзара қандай да бір мәселені талқылап жатқан болса, ресми түрде министрлікке ешкім жүгінген жоқ. Бұл – министрліктің нақты ұстанымы. Бізге ешқандай құжат түскен жоқ», – деді Нағаспаев.
Сондай-ақ министр компанияны бөлу үдерісі қалай жүретінін түсіндірді: алдымен компания ресми өтініш береді, содан кейін министрлік оны қарап, құзырлы мемлекеттік органдармен келіседі. Осыдан кейін ғана қорытынды шығарып, тиісті мәміле жасауға рұқсат береді.
Қазір оқып жатыр
Алматы және Алматы облысында электр энергиясы тарифін 8,3%-ға көтеру ұсынылды
Әбілқасымованы отставкаға жіберу туралы петицияға агенттік жауап берді
Таиландтан сәлемдеме алып жүрген алматылық жігіт 16 жылға сотталды
Ресейде кәмелетке толған азаматтарға әке-шешесін ата-ана құқығынан айыруға рұқсат етілмек
