Өмірзақ Шөкеев президентпен бірге Ташкентте жүр (видео)
Өмірзақ Шөкеев тамыз айында Түркістан облысының әкімі қызметінен кеткен болатын.
Алматы, NEGE. Сол уақыттан бастап Шөкеев жұрт көзінен тасада жүр. Оның қазір немен айналысып жүргені белгісіз.
Алайда "7 арна" тілшілері Түркістанның экс-әкімінен қазір немен айналысып жатқанын, Өзбекстанда не істеп жүргенін сұрады.
Шөкеев журналистің сауалына қазір өзінің бизнеске кеткенін, қосымша білім бағдарламаларымен, ауыл шаруашылық жобаларымен айналысып жатқанын жеткізді.
"Бүгін Өзбекстанға арнайы келіп отырмын. Бұл жерде қызық. Өзбекстанның экономикасы дамып жатыр, климат деген жақсы. Сондықтан осында келіп, болашақта жүзеге асырылатын жобаларды талқылау маған қызық", - деп жауап берді экс-әкім.