«Өмірзақ Шөкеев отставкаға кетті»
Түркістан облысының әкімі Өмірзақ Шөкеевтің отставкаға кеткені туралы дерек бүгін әлеуметтік желіде жарияланды.
NEGE порталы екі апта бұрын Ө.Шөкеевтің атына ресми сауал жолдаған. Сауалда Кентау қаласының бұрынғы әкімі Дәурен Мақажановтың істі болып 10 жылға сотталғанын, үкім күшіне енгенін айта келе, әкімнен: «Отставкаға кетуге арыз жаздыңыз ба?», - деп сұраған едік. Алайда әкімнен де, әкімдіктен де жауап келген жоқ.
Кейбір деректерге қарағанда, Ө.Шөкеев отставкаға кету туралы арызды 24 тамызда жазған. Бірақ оның қызметтен кеткен-кетпегені туралы ресми ақпарат әлі шықпады.