Олжас Бектенов сарапшылармен ел экономикасын дамыту жолдарын талқылады
Қазақстан Республикасының Премьер-министрі Олжас Бектенов сарапшылармен өткізген кездесуде ел экономикасының даму бағыттары мен өзекті мәселелерін талқылады, деп хабарлайды Үкіметтің баспасөз қызметі.
Кездесу барысында экономист мамандар жаһандық нарықтағы қазіргі ахуал жөнінде өз талдауларын ұсынып, ұлттық экономикаға ықпал ететін негізгі факторларды атап өтті. Сондай-ақ экономикалық өсімді қамтамасыз етуге бағытталған бірқатар ұсыныстар да білдірілді.
Инвестиция, сауда және өңдеу өнеркәсібі сынды маңызды салаларға ерекше назар аударылды.
Сондай-ақ Үкіметтің тиімділікке басымдық бере отырып, артық шығындарды оңтайландыру және бюджетті маңызды бағыттарға қайта бөлу жөніндегі жұмыстары қаралды.
Талқылау нәтижесі бойынша Премьер-министр Ұлттық экономика министрлігіне ұсыныстарды пысықтап, нақты шаралар әзірлеуді тапсырды.
Айта кетейік, бұған дейін Үкімет 2027 жылға қарай статистикалық есептіліктердің санын 50 пайызға қысқартатынын хабарлаған болатын.
Қазір оқып жатыр
«Ғалымдар жаппай қуылды» деген ақпарат шындыққа жанаса ма? Ясауи университеті жауап берді
2 млрд теңге табыс тапқан: Алматыда Kizdar.net сайтын құрушылар қамауға алынды
АҚШ-та жоғалып кеткен қазақстандық жігітке қатысты тың ақпарат айтылды
Samruk-Kazyna Construction еншілес компаниясын 228,8 млн теңгеге сатпақ
