Олимпиада жүлдегерлеріне жаңа пәтердің кілті табысталды
2024 жылы 20 тамызда Алматы әкімдігінде Олимпиада жүлдегерлерімен салтанатты кездесу өтті.
Алматы, NEGE. Жеңімпаз спортшыларға ақшалай сертификат, автокөлік кілті және тұрғын үй алуға арналған сертификат табысталды.
Бұл құжаттар – атақты спортшыларды баспанамен қамту тетігінің алғашқы кезеңі болды.
Бұл үшін арнайы бюджет қалыптастырылып, барлық мемлекеттік сатып алу рәсімі – байқау өткізуден бастап келісімшартқа қол қоюға дейін – толықтай заңға сәйкес орындалды. Барлық кезең бірнеше айға созылды. 2025 жылдың 9 қаңтарында барлық заңдық және сатып алу рәсімдері толық аяқталды. Спортшылардың жайлы тұруы үшін берілетін пәтерге таза әрлеу жұмыстары жүргізілді.
Бүгін салтанатты жағдайда Алматы әкімінің орынбасары Бейбіт Шаханов Парижде өткен Олимпиада ойындарында жүлде иеленген спортшыларға жаңа пәтер кілтін табыс етті.