Олимпиада: Айбек Оралбай жартылай финалға шыға алмады
Париж Олимпиадасында бокстан 92 келі салмақтағы ширек финал бәсекелері өтуде. Өкінішке қарай, қазақстандық Айбек Оралбай жартылай финалға шыға алмады, деп хабарлайды Olympic.kz.
Алматы, NEGE. Турнирдің 1/4 айналымында Айбек Оралбай Әзербайжан атынан жұдырықтасатын кубалық боксшы Лорено Альфонсо Домингеспен кездескен болатын.
Жекпе-жектің алғашқы раундында Айбек 4:1 есебімен алға шықты. Ал екінші және үшінші раундта төрешілер жеңісті Домингеске берді.
Осылайша, Қазақстан командасының тағы бір боксшысы жарысты аяқтады.
