Спорт
Олег Болтин әлем чемпионатының жартылай финалына шықты
Бүгін Норвегияның Осло қаласында күрес түрлерінен әлем чемпионаты басталды, деп хабарлайды Olympic.kz.
Алматы, NEGE. Алғашқы жарыс күнінде бозкілемге еркін күрес шеберлері шықты. 125 келі салмақ дәрежесінде Қазақстан құрамасының мүшесі Олег Болтин жарыстың жартылай финалына жолдама алды.
Ол жартылай финалдық жолдаманы украиналық Олександр Колдовскимен сарапқа салды. Финалдық бәсеке үшін отандасымыз грузиялық Гено Петриашвилимен кездеседі.
86 келіде сынға түскен Азамат Дәулетбеков жарысты сәтті бастағанымен, екінші айналымда Олимпиада чемпионы Хассан Язданиден ұтылды.