«Оқ атуға Шымкент әкімі тапсырыс берді деп айтуға мәжбүрледі» – Күдікті сотта өз шындығын айтты
Шымкентте қала әкімінің орынбасары Руслан Берденовке қастандық жасау ісі бойынша сот процесі басталды.
Алматы, NEGE. Сот отырысында айыпталушы Ернар Жиенбай жәбірленуші Руслан Берденовтің қазіргі қала әкімі Ғабит Сыздықбековке жала жауып, оны тапсырыс беруші ретінде көрсетуін талап еткенін мәлімдеді.
«Ол менен өзіне қастандық жасау туралы тапсырманы қала әкімі Ғабит Сыздықбеков аппарат басшысы арқылы берген деп айтуымды өтінді. Егер мен сотта мені киллер ретінде Сыздықбеков жалдады десем, ол мені кешіретінін айтты. Ол мені тіпті о дүниеден де алып шығамын деп уәде берді», – деді Е.Жиембай сотта.
Сотталушы Ернар Жиенбай қала әкімі Ғабит Сыздықбековтің бұл іске еш қатысы жоқ екенін мәлімдеді.
