Дүние
Обаманың кітабы сатылымның бірінші күні рекорд орнатты
АҚШ-тың бұрынғы президенті Барак Обаманың A Promised Land («Жерұйық») кітабының бірінші томы сатылымның бірінші күнінде-ақ рекорд орнатты, – деп хабарлайды РИА Новости.
Алматы, NEGE. Басылым CNN телеарнасының мәліметтерін келтірген, оған сәйкес 17 қарашада АҚШ пен Канадада кітаптың 887 мың данасы сатылған, оның ішінде алдын ала тапсырыс берілгендер де бар.
БАҚ хабарлауынша, Обаманың кітабы әйелі Мишелдің «Қалыптасу» атты естеліктерінен асып түскен. 2017 жылы сатылымның алғашқы күні оның 725 мың данасы сатылған болатын.
Бұған дейін баспасөзде «Жерұйықтың» бір бөлігі не туралы екені жазылған еді. Атап айтқанда, онда Францияның экс-президенті Николя Саркози, Кентукки штатының сенаторы Митч Макконнел, Оңтүстік Каролина сенаторы Линдси Грэм және басқалары туралы естеліктер бар.
Сондай-ақ, Обама Ресей президенті Владимир Путинді еске түсіре отырып, оны «көше заңымен өмір сүретін қатал чикаголық қожаға» ұқсатқанын мойындайды. Ол өзінің ресейлік әріптесінен едәуір биік екенін, ал Путин «физикалық тұрғыдан қарапайым» екенін атап өтеді.
Обаманың «Жерұйық» мемуарларының бірінші томы 17 қарашада сатылымға шыққан. Онда Обама «өзін адам ретінде іздеп жүрген жас жігіттен еркін әлемнің көшбасшысына дейінгі керемет одиссеясының тарихы» туралы баяндайды. Кітапта Обаманың сайлауда жеңіске жету жолы мен президент болған уақыттағы оқиғалары жазылған.
Обаманың бұрынғы кітаптары да оқырмандар арасында сәтті болған. Мәселен, ол «Әкемнің арманы» кітабынан 6,8 миллион доллар тапқан.