Нұртас Адамбай «Келинка Сабина» үшін соттаспақ
Режиссер әрі актер Нұртас Адамбай «Келинка Сабина» брендімен өнім шығарып жатқандармен соттаспақ.
Алматы, NEGE. Адамбайдың айтуынша, соңғы бірнеше жылдан бері «Келинка Сабина» маркасымен тауар шығарып сатып жатқандар бар және ол тауар Қазақстан ішінде, жақын шетелдерде аса танымал көрінеді. Режиссер қазір адвокат сотқа талап арыз дайындап жатқанын айтады.
«Егер дүкен сөрелерінен «Келинка Сабина» маркасымен сатылып жатқан тауарларды көрсеңіздер, маған хабар беруді сұраймын», – дейді Адамбай.
Нұртас Адамбайдың «Келинка Сабина» брендімен тауар шығарылып жатқанын бүгін білуі мүмкін емес. Өйткені мұндай атаумен тауарлар бірнеше жылдан бері шығып келе жатқан көрінеді.
«Адамбай мен тауар шығарушылар арасында келіспеушілік туындаса керек. Не бөлісе алмағанын кім білсін», – дейді дереккөз.
