Нұртас Адамбай Димаш пен Головкиннен кешірім сұрады
Белгілі кинопродюсер, актер Нұртас Адамбай Димаш Құдайберген, Геннадий Головкин және басқа да қазақстандықтардан кешірім сұрады.
Алматы, NEGE. Желі қолданушылары кешеден бері Нұртас Адамбайдың инстаграм парақшасында түсініксіз жазба қалдырып жатқанын байқаған.
«Димаш Құдайбергеннен және оның әкесіненен бір кездері орынсыз кеңес бергенім үшін кешірім сұраймын. Менің сол әрекетіме даналық танытып, сабыр сақтағаны үшін оларға ризамын», деп жазды ол.
Сондай-ақ Н.Адамбай белгілі боксшы Геннадий Головкиннен де ғафу өтінген жазба қалдырды. Бұл жазбада да Нұртас Адамбай өзінің боксшыға орынсыз ақыл айтқанына өкінетінін жеткізген.
Айта кетейік, бұған дейін Нұртас Адамбай президенттерден, басқа да отандық танымал тұлғалардан кешірім сұрап жазба жариялаған. Актердың бұл түсініксіз әрекетін оқырмандары бірнеше күн бұрын болған діни мереке – «Ашура» күнімен байланыстырады.